Chirag-e-Shab

Chirag-e-Shab Ko Jese..
Aandhiya’n Achi Nahi Lagti’n..

Kuch Aise Hi Humei’n..
Khush-Fehmiya’n Achi Nahi Lagti’n..

Jinhe’n Sonay k Pinjrey Mein..
Ghiza Mil Jaye Chaandi Ki..

Unhei’n Phir Umr Bhar..
Aazadiya’n Achi Nahi Lagti’n..

Wo Jin K Dil Mein Fasl-e-Gham
Ne Derey Daal Rakhy Hon

Unhe’n Phoolo’n Pe Bethi Hui
Titliya’n Achi Nahi Lagti’n

Mera Dil Chahta Hy Unhe’n..
Aaena Dikhao’n MOHSIN..

Wo Jin Ko Doosro’n Ki..
Khoobiya’n Achi Nahi Lagti’n … !!!